沙嗲王 (眾安街) (已結業)

哩個巨髀飯我覺得應該做沙嗲王嘅頭號招牌菜！返工返到好攰好沮喪，lunch食哩隻大雞髀黎慰勞自己揀直一流！巨髀係鐵板上，上枱仲係炸炸聲，夠晒熱！個雞皮雖然痴住d肥膏，但又脆又香你唔會捨得唔食佢！d雞肉好滑架！不過要切開睇下夠唔夠熟，始終太大隻啦！好好肉地伴菜嘅玉米粒仲撈左牛油架，好香好味！圖中右上角嘅沙嗲汁更加係畫龍點睛！唔鍾意食沙嗲汁嘅，仲有白咖啡同另一個汁揀！仲送你一碗白飯，唔洗驚唔夠飽！隻巨髀咁誇張，我都清晒、實在唔想嘥左啲肉！