Triple King Cafe (已結業)

🍝香蒜帶子炒意粉: 呢個係每日精選有機會, 每日都唔同, 聽到就好想試下, 所以就叫咗。意粉炒得幾香, 夠乾身。都有成四粒帶子, 雖然帶子唔太大粒, 但知道帶子煮熟咗會縮, 所以可以接受。有不同配菜, 唔會太dry。餐包埋湯同埋飲品, 喺中上環區食唔算太貴。

香蒜帶子炒意粉

$100

🦪廣島蠔意大利飯: 我個人來講特別鍾意Risotto, 濕濕地腍腍地, 我中意果種texture。有好多粒蠔, 細細粒但係好Juicy, 仲有一陣海水味, 同個飯非常之夾。有唔同嘅菇, 最夾Risotto, 但係唔知點解佢有啲青菜, 變得有少少怪怪地。整體而言我鍾意呢一個多過意大利粉, 不過呢啲好個人喜好。

廣島蠔意大利飯

🍫朱古力四重奏: 朱古力味非常濃郁, 四重奏包括朱古力底、朱古力雪糕、朱古力醬同可可粉所以咁Rich。飲嘅時候充滿童真, 好滿足, so sweet。

朱古力底、朱古力雪糕、朱古力醬同可可粉

$35

💰 人均HKD100-130

✨ 大廈比較人被隱秘, 要係德輔道中行入永和街, 右邊入口就係, 希望大家搵到！！！一入去, 唔算好大嘅空間, 大概有20幾個位, 然後有個房仔, 有10個位, 係bar枱或者高枱。有一塊好大玻璃, 自然光透入, 好舒服, 而且可以望住街嘅行人食飯, 人來人往。有一幅黑白格仔牆, 之前好似係貼咗好多文宣, 依家只係剩下一啲電影嘅資料。中午時分非常多人, 12點就已經好爆, 要早啲到！佢哋好好, 見我同個friend鍾意影相竟然主動攞部即影即有相機幫我哋兩個影相真係好開心。雖然唔係特別好出色或者好驚喜, 但係我覺得食晏或者上班族食下都幾開心, 因為環境真係好舒服。