豚王 (已結業)

日本拉麵，地道當地食品，在地隨便都有得食，仲要幾好食，麵彈湯濃，都係六七十蚊左右。對於拉麵，我自己個人偏好豚骨湯底，豬骨燉煮後成奶白的湯，佢的黏稠同厚度，最令我喜愛。十多年前，香港食拉麵會去味千，如要食正宗拉麵，都要往日本才行，時至今日，拉麵店成行成市，但講到首店，非屬豚王。係香港食日本拉麵食唔少，但豚王真係未食過(第一間係香港已經食一蘭)，可能選擇已太多，未有衝動去食。今次是因為對面的西餐廳已滿座，餓著就轉戰佢的日式拉麵。去豚王食豚王，揀左原味的豬骨濃湯拉麵，唔算大碗，眼觀湯呈奶白色，但未算厚，青蔥翠綠，添上辣醬油，感覺不錯。飲第一口湯，真心鹹，係味精湯的鹹，再食麵，是彈牙但太重鹼水味，而叉燒卻只有薄薄一兩片，儘管唔大碗都食唔哂走人。當你打著正宗日本拉麵的旗號但交出那樣貨色，真是說不過去。