烏蠅館 (九龍中心大廈)

营业中

休息中

尖沙咀有不少四川菜選擇，個人都幾鍾意食辣，既香口又可以去濕，哈哈。嚟到亞士厘道全條街都係食肆，有火鍋，日本菜，越南菜。今次來烏蠅館食吓川菜，平日晚上七點客人已經坐滿，好旺場。較多人食一碗碗粉麵，見到有粉絲，土豆粉，撈麵揀。粉面基本可以揀六款配菜，都好抵食，再加新鮮水餃，有芹菜牛肉，蓮藕豬肉，水餃款式比較少見。今次order烤魚，有泡椒鍋，招牌香辣，麻辣。waiter介紹泡椒會比較少油，但必須係中辣，冇其他辣度可以揀。雖然我最近比較熱氣，脷底生左兩粒大飛滋，但為咗食美食，我豁出去。泡椒鍋嚟到好香，有少少酸菜，蔥花，果然係好少油，龍躉魚好滑。我本身有金菇，木耳，萵筍，金菇吸晒湯底脆脆的，正。寬粉煮1-2分鐘至透明，滑脫脫好味。