漁釧 (V Walk) (已結業)

今次好想同大家推薦e間食日本野嘅餐廳，如題，係近年來食過最好味嘅餐廳，亦係每道菜，以至裝潢，服務，都絕對唔會令我失望嘅餐廳，好想同大家分享下，絕對要去試下，亦係週年飯同生日飯嘅選擇！日本野嚟講其實e家餐廳提供嘅款式都真係幾多，刺身，壽司，和牛，拉麵，茶漬飯，定食，都有！而最重要係，有專人代燒嘅海鮮，應有盡有，可以同時間滿足唔同人嘅喜好！首先一提嘅係門口e幅手繪畫，係其中一個好吸引我嘅地方，你無聽錯，聽店員講係請人親手畫嘅，真係好靚，好有日本浮世繪嘅風格，行過路過，唔好錯過！今次我地叫咗個拉麵，係好有驚喜嘅，雖然好多人會係刺身當頭，無視拉麵，但咁就走寶，因為本人經常食拉麵，而e間店絕對係心目中嘅no. 1, 出色過好多過江龍！湯底濃郁有層次，唔會爆咸同超油，拉麵扁身好特別，最重要係咁好嘅拉麵竟然唔洗100蚊，性價比極高！再嚟係餐廳十大名物之一，燒海鮮，會有店主親自為你即場燒，主要以酒調味，海鮮熟嘅情度啱啱好，只有讚，沒有彈！最後係刺身盤，有我最鍾意嘅海膽，同埋兩款唔知叫咩名嘅魚😆分唔到，但要強調係，我不留唔食三文魚以外嘅魚，而e間餐廳打破咗我對魚刺身嘅陰影，因為真係好好味，個魚油嘅香味令