GoNuts. (已結業)

將軍澳海濱開咗唔少cafe，咁啱有朋友推薦呢間餐廳，一於收工過去飲返兩杯手工啤chill下🍻 餐廳裝修以橙色美式工業風為主，好啱大家去打卡📸① 娘惹咖哩蟹肉配蒜蓉法包🦀$𝟚𝟠𝟠 (9/10)餐廳signature✨必嗌之選! 食落去啖啖蟹肉非常足料~娘惹咖哩辣得嚟好有後勁，配埋酥脆嘅蒜蓉法包🥖惹味到一路食到停唔到口!②芝士黑蒜薯條配蒜蓉蛋黃醬🍟 $𝟠𝟞 (9/10)重口味人士最愛🤍芝士同黑蒜呢個配搭比較少見，食落去香口得嚟又唔會好似平時出面黑松露薯條食落咁易膩~個自家制蒜蓉蛋黃醬更加係畫龍點睛，推薦大家要叫嚟做配酒小食!③ Tiramisu Soufflé Pancake $𝟙𝟙𝟘 (7/10)正常發揮嘅tiramisu pancake🥞食落去都幾鬆軟同幾濃朱古力味🍫不過略嫌冇咩蛋香，可能其他味會有驚喜啲~當日店員都好細心，按照返我地嘅口味介紹咗兩款手工啤比我地~餐廳整體嘅價格都偏高，埋單嗰陣因為經openrice 訂枱所以有8折，大家想食記得要訂咗位先!💰味道: ★★★★★環境: ★★★★★服務: ★★★★★CP值: ★★★★☆必食指數: ★★★★★