街坊茶記 (已結業)

上幾個月黎咗將軍澳海旁發掘咗呢間街坊茶記，食物高質，價錢親民，CP值爆登，今日經過附近緊係要encore，食番個歡樂下午茶😚乾炒牛河 ($40)- 作為牛河嘅忠粉，上次食完呢個乾炒牛河就念念不忘，今次都水準嘅水準，炒得超有鑊氣，好惹味，牛肉大片，肉質軟嫩，一啲都唔會柴，河粉都炒得幾乾身，條條分明😍脆脆超級蛋牛治 ($40)- 蛋牛治都好有驚喜，蛋牛治好特別，麵包煎得脆脆地，配塔香軟鹹香嘅蛋牛內餡，口感層次超級豐富，一啖接一啖停唔到口😋冰震奶茶 (+$3*2)- 冰鎮奶茶係今次最驚艷，奶茶香濃細滑，甜度控制到啱啱好，茶味嘅香醇停留喺口腔入邊，兩個字—「一流」，簡直媲美到連鎖店嘅招牌奶茶，甚至仲更加好飲添❤️凍朱古力- 凍朱古力都唔錯，朱古力超級香濃，味道非常突出，好足料，啖啖都好甜蜜，夏日好想飲甜野叫番杯凍朱一流😜餐廳整體企理乾淨，特別欣賞老闆超級friendly同好客嘅態度，好味嘅食物同親切嘅員工，用餐體驗一流👍🏻