麥當勞 (海悅廣場)

营业中

休息中

The Signature Love Angus 系列我基本上試過晒, 不過都係最鍾情至尊安格斯。今日天氣熱熱地唔知食好, 咁啱見到用微訊香港比錢買野有優惠, 滿$25就減$10, 真係抵好多呀。既然個餐已經有得減$10咁多, 咁就飲豪d,杯野飲 upgrade 加錢轉左做士多啤梨奶昔, 炎炎夏日飲呢個真係透心涼, 以前有雲呢拿味奶昔, 希望麥記遲d會推出番。呢個至尊安格斯包整個配搭都好夾, 有生菜番茄加兩塊芝士, 仲有一塊厚厚既安格斯肉, 食落唔會覺得單調, 落單果陣我仲特別要求要多醬, 咁就更加 juicy, 呢個包個包底都好好味, 鬆軟有口感, 食完呢個餐真係好滿足。