影片
更多
2021-04-10
429 浏览
今日入嚟東涌度探bb，由於主人家唔方便外出嘅關係，就介紹咗我地去佢屋企隔離，位於 Hotel Sheraton 一樓嘅呢一間 The Upper Deck American Steakhouse，餐廳環境型格舒適，中央竟然仲擺得落一張波枱，有興趣嘅朋友可以一路食一路玩。Smoked boulevardier，呢杯 cocktail 上枱嘅時候用玻璃樽裝住，上到枱店員打開蓋之後先叫我哋問一問，係好香嘅煙燻味道，倒落杯之後一啖入口，威士忌同煙燻嘅味道加橙皮，絕配。Maryland Crab Cake，外層炸漿好薄，炸得香脆，切開裏面係一絲絲嘅新鮮蟹肉，加上面頭酸甜嘅醬汁，十分開胃。Beef Tartar，牛肉他他份量十足，旁邊白色嘅係鯷魚，鯷魚果然起到提鮮作用，我好享受呢份喺口腔入面嘅新鮮生牛肉味道。The American BLT，落單嘅時候餐廳老闆同我哋介紹佢哋個漢堡扒啲牛肉係上等貨色，可以唔需要話一定全熟，佢就揸主意幫我哋嗌咗 Medium，無全熟嘅漢堡口感順滑，牛味都唔錯，特別鍾意佢個麵包搽咗好多香噴噴嘅牛油，同埋個外皮係溫熱得嚟仲要係烘得脆嘅。Hanger Steak Prime
今日入嚟東涌度探bb，由於主人家唔方便外出嘅關係，就介紹咗我地去佢屋企隔離，位於 Hotel Sheraton 一樓嘅呢一間 The Upper Deck American Steakhouse，餐廳環境型格舒適，中央竟然仲擺得落一張波枱，有興趣嘅朋友可以一路食一路玩。
Smoked boulevardier，呢杯 cocktail 上枱嘅時候用玻璃樽裝住，上到枱店員打開蓋之後先叫我哋問一問，係好香嘅煙燻味道，倒落杯之後一啖入口，威士忌同煙燻嘅味道加橙皮，絕配。
Maryland Crab Cake，外層炸漿好薄，炸得香脆，切開裏面係一絲絲嘅新鮮蟹肉，加上面頭酸甜嘅醬汁，十分開胃。
Beef Tartar，牛肉他他份量十足，旁邊白色嘅係鯷魚，鯷魚果然起到提鮮作用，我好享受呢份喺口腔入面嘅新鮮生牛肉味道。
The American BLT，落單嘅時候餐廳老闆同我哋介紹佢哋個漢堡扒啲牛肉係上等貨色，可以唔需要話一定全熟，佢就揸主意幫我哋嗌咗 Medium，無全熟嘅漢堡口感順滑，牛味都唔錯，特別鍾意佢個麵包搽咗好多香噴噴嘅牛油，同埋個外皮係溫熱得嚟仲要係烘得脆嘅。
Hanger Steak Prime 7oz，原本諗住嗌肉眼扒，但係老闆盛意拳拳話 Hanger Steak 同 Flank Steak 呢啲部位更加罕有，更加值得嘗試，我哋就點咗個封門柳扒，切開見到鮮嫩嘅粉紅色令人垂涎欲滴，重牛味得嚟又夠哂嫩滑，果然無介紹錯。
Truffle Mac & Cheese，只係加48蚊就有呢個 Truffle Mac & Cheese 做 side dish，表面鋪滿哂猶如岩漿一般嘅芝士，芝士嘅香味加埋黑松露味就係最好嘅配搭。
张贴
