影片
更多
2022-09-08
241 浏览
週末到訪呢間近著紅磡海濱長廊嘅餐廳，店名The Bayside，名符其實，喺海旁。餐廳佔地廣，室內座位闊落舒適，有一部分係卡位；另設戶外露天座位 可以望住海景用餐剛開門冇耐嘅時間正處理垃圾，氣味比較重，有啲可惜。餐廳主打地中海菜式 選擇由冷盤、tapas、沙律、意粉、意大利飯、海鮮等其他主食都有 唔少得甜品，價錢中上。飲品有啤酒、cocktails、mocktails、紅白酒等。週末設brunch menu，有齊沙律、tapas、主菜、甜品、飲品，定價$288起週末到訪，真心full，坐低半個鐘度，室內已經幾乎滿座，好多仲係一家大細呢！Scallop Ceviche $148本來係想試下生蠔，可惜店員話未有供應，但都點咗一份冷盤試試。帶子幾鮮甜，柑橘油醋醬微酸清爽，伴碟有脆脆，冇咁單調Fish Tacos $78Fries/ Truffle Mayo $98炸魚墨西哥卷味道唔錯， 炸魚外脆，肉質爽彈，連埋個sauce，幾fresh，而且口感豐富另外點咗薯條配黑松露醬，粗薯即炸，非常香脆，不過個醬就唔係話好重truffle味。Steak Tartare $168他他有三款，除咗牛，仲有三
剛開門冇耐嘅時間正處理垃圾，氣味比較重，有啲可惜。
餐廳主打地中海菜式 選擇由冷盤、tapas、沙律、意粉、意大利飯、海鮮等其他主食都有 唔少得甜品，價錢中上。
飲品有啤酒、cocktails、mocktails、紅白酒等。
週末設brunch menu，有齊沙律、tapas、主菜、甜品、飲品，定價$288起
週末到訪，真心full，坐低半個鐘度，室內已經幾乎滿座，好多仲係一家大細呢！
Scallop Ceviche $148
本來係想試下生蠔，可惜店員話未有供應，但都點咗一份冷盤試試。
帶子幾鮮甜，柑橘油醋醬微酸清爽，伴碟有脆脆，冇咁單調
Fish Tacos $78
Fries/ Truffle Mayo $98
炸魚墨西哥卷味道唔錯， 炸魚外脆，肉質爽彈，連埋個sauce，幾fresh，而且口感豐富
另外點咗薯條配黑松露醬，粗薯即炸，非常香脆，不過個醬就唔係話好重truffle味。
Steak Tartare $168
他他有三款，除咗牛，仲有三文魚同牛油果，如果俾我揀，我就想試下三文魚嘅。總之朋友話呢個都ok啦，撈勻蛋黃之後，他他入口都好滑，酸種薄身，邊位都脆，食落偏韌因為我冇食，詳細我就唔知喇。
Pepperoni Pizzette $98
呢度嘅薄餅係薄身的，有大size，亦都有提供素食選項。餅底香脆，芝士辣肉腸呢啲組合冇得輸啦。
Gambas $148
蒜油蝦係重口味之選，咁重蒜香，加好微微辣，又係唔會唔好食，蝦肉都爽嘅，麵包dip蒜油，又係輕鬆清碟
Truffle Pappardelle $168
闊麵幾creamy，聞到松露香，調味反而偏淡，意粉唔算彈牙。
Suckling Pig $288烤乳豬皮脆肉嫩，脂肪層厚，平時食西餐多數据扒，今次幾有新鮮感。
Virgin Sangria $68Spring Garden $98
點咗兩杯無酒精飲品，好啱食啲熱氣嘢或者肥膩嘢飲用，夠fresh。
张贴
