Charcoal Bar

营业中

休息中

好彩預先book 咗枱，好耐未見過一間餐廳full house 仲不停有番枱，真係唔好講笑，到9:30pm 仲見有人入嚟。當晚叫咗「龍蝦湯」同「青口」做前菜，配以「大蒜、薑、芫荽、辣椒、自家製辣椒油、白酒」，另叫「荔枝木煙燻原隻珍寶虎蝦 酸辣醬」同埋「荔枝木煙燻阿根廷安格斯菲力牛扒」作主菜。青口好肥美，個source 做得好好，好惹味👍🏻但配上嘅麵包🍞 好韌，根本咬唔開。我本身唔食芫荽，見到佢寫明配料有芫荽，已經同侍寢應生叮囑所有嘅菜式都要走芫荽，但係嚟到個青口都係有，不過個侍應生都好好，同佢講返之後即刻拎返去俾個第二碟我。個虎蝦都燒得幾香，不過我覺得啲肉未係去到彈呀嘅級數。至於個🥩，份量啱啱好，侍應生建議係四成熟，出嚟嘅效果都好好，就算唔點個汁都好好味，口感👍🏻👍🏻。不過有一樣要講，就係如果想要海景，就要入到去餐廳嘅尾段坐，但嗰度冷氣不足，同埋啲枱都比較逼夾，一路食，一路出汗，見到有一張枱係最邊邊， D食客keep住都要求轉枱，所以如果想涼爽啲，就要放棄個海景，坐返大堂。