禦皇燒臘茶餐廳 (已結業)

下午茶嚟呢一度食左咸魚雞粒炒飯同埋星洲炒米，$32嘅下午茶真係好抵。鹹魚雞粒炒飯 $32（3.5⭐️）炒飯雖然未算粒粒分明，但質感岩岩好，唔硬唔淋，味道正常，咸香味唔太出，味精粉味偏多。雞粒好嫩！值得一讚！星洲炒米 $32（3⭐️）黃姜粉多左少少，搶左咖哩味，米粉較平時粗身少少，自己中意食幼身啲個隻，炒粉配料算慷慨, 食到幾隻蝦。飲品叫咗熱咖啡同熱奶茶，略嫌奶茶茶底較苦澀，沒有特別出眾。但係$32有呢個質素都算係不錯！