影片
更多
2010-11-02
18 浏览
同老友去睇戲行街街…對下午食乜東東未有計劃…想起哩度o既下午茶自助餐…環境吾錯, 價錢實惠, 咸豬手又好味!!...時間剛好配合, 就黎睇睇walk-in有冇位??已經好多人熱熱鬧開緊餐了…坐無虛席咁濟…只能被安排坐近大門入口一張二人檯…今日秋風送爽, 每每有人出入就吹到餐巾飛起頭髮亂舞!!!...好搞笑!!...正值10月31, 餐廳又特別為Halloween佈置一番, 掛滿好多製作精美o既鬼靈精怪、枯顱頭、蜘蛛網…正牌夠搞鬼!!食物方面, 基本o既選擇都有齊…主要分類: 沙律冷盤、餐湯+包類、德國主菜(咸豬手、腸類、薯)、即製意大利麵、熱葷、甜品雪糕…沙律有數款…色彩奪目o既紅黃綠甜椒配水牛芝士、鮮蘋果沙律同四季豆混雜菌最為出色…冷切肉有兩款亦不俗…餐湯係鮮橙色、質感厚、味道夠晒鮮甜濃郁o既南瓜湯…熱騰騰!!...配上同樣新鮮熱騰騰出爐皮脆脆o既美味農夫包…暖心啊!!...另外一提: 一邊有小檔專人即烘薄切多士…每片多士上放有芝士同磨菇…烘熱一溶…咁吸引!!...點都要食一片架!!...德國主菜果度條人龍係最長的…人人都流晒口水等住廚子將出爐香噴噴o既咸豬手起肉拆骨!!!...睇佢
想起哩度o既下午茶自助餐…環境吾錯, 價錢實惠, 咸豬手又好味!!...時間剛好配合, 就黎睇睇walk-in有冇位??
已經好多人熱熱鬧開緊餐了…坐無虛席咁濟…只能被安排坐近大門入口一張二人檯…今日秋風送爽, 每每有人出入就吹到餐巾飛起頭髮亂舞!!!...好搞笑!!...正值10月31, 餐廳又特別為Halloween佈置一番, 掛滿好多製作精美o既鬼靈精怪、枯顱頭、蜘蛛網…正牌夠搞鬼!!
食物方面, 基本o既選擇都有齊…主要分類: 沙律冷盤、餐湯+包類、德國主菜(咸豬手、腸類、薯)、即製意大利麵、熱葷、甜品雪糕…
沙律有數款…色彩奪目o既紅黃綠甜椒配水牛芝士、鮮蘋果沙律同四季豆混雜菌最為出色…冷切肉有兩款亦不俗…
餐湯係鮮橙色、質感厚、味道夠晒鮮甜濃郁o既南瓜湯…熱騰騰!!...配上同樣新鮮熱騰騰出爐皮脆脆o既美味農夫包…暖心啊!!...另外一提: 一邊有小檔專人即烘薄切多士…每片多士上放有芝士同磨菇…烘熱一溶…咁吸引!!...點都要食一片架!!...
德國主菜果度條人龍係最長的…人人都流晒口水等住廚子將出爐香噴噴o既咸豬手起肉拆骨!!!...睇佢切到手仔軟!!...豬手美味係無疑的, 源源不絕更能滿足”食肉獸”一族, 但自己只能一件起兩件止!!...腸類有兩款, 味道普普通!!
其他有4-6款熱葷…如蜜汁火腿、燴牛尾、炒飯、茄子雜菜、白汁魚塊等…整體味道一般, 亦未見邊款較突出!!...
甜品約有10數款…切餅、donuts、pastries、bread pudding及專人即製crepe(配忌廉鮮果等)…另有一盤切片水果…
值得推介係拿手o既德國黑森林蛋糕…同埋出奇咁好味o既鮮芒果奶凍酥餅, 可惜酥餅只出左一輪, 想食多個都冇!!...
肚子冇多餘空間放意大利麵同雪榚了!!...
供應時間2-4:30pm; 每位$128+10%
张贴
