帝樂 - 德國餐廳 (美利樓) (已結業)

第2次o黎呢間食tea buffet，食物種類雖然普通，但係味道一般都唔錯，我最鍾意自選材料煮意粉同埋甜品心太軟，唯一美中不足就係尖沙咀o個間有燒豬手，但係赤柱呢間無，不過$108比你食足2個鐘，服務又幾好，真係好扺，加上我有會員卡有85折，扺上加扺！ 不過今次有段小插曲，埋單時，waiter 比張單我時竟然唔記得比番張會員卡我，我自己又無醒起，到搭車走左先醒起，即刻打電話去叫佢寄番比我，佢好爽咁話第二日下午可以送到去近我o既分店比我pick up，仲話會送左去會打電話 比我，點知我到第二晚成11點都未收到電話，咁打去問o下啦，佢又話呢輪無人去開近我間分店，會直接寄比我喎...如果我唔打去問，唔知佢會幾時通知我張卡o既下落呢...