The Nest Coffee Shop

营业中

休息中

朋友好想支持一下这间社企cafe，所以今日一返完教会就带我来tea一tea，边食边倾。呢间cafe 环境都唔错，简约舒适，有对住街景的一张长单人吧枱和一张二人圆枱，座位唔多，但好好坐，感觉好悠闲写意，好岩倾计。下午茶时段蛋糕加饮品$55起，好抵！亦可叫其他食品再以优惠价配饮品。蛋糕外，仲有包点、三文治、咸批、墨西哥卷等。饮品亦有咖啡、茶、朱古力、果汁等。单叫咗𠮶牛肉批，都几巨型。批皮厚度适中，里面有好多饀，全是酸咪咪的牛肉碎，好有份量。朋友点了奥利奥芝士蛋糕配大杯自家制柠檬鲜姜蜂蜜。奥利奥芝士蛋糕好香滑，混入香甜的Oreo 饼，饼底就松脆，整体几好味。朋友话自家制柠檬鲜姜蜂蜜真材实料，入口热辣辣，酸酸甜甜，仲有不少姜碎，微微辛辣，味道岩岩好。我就叫咗摩卡蛋糕配大杯抹茶燕麦奶。摩卡蛋糕共有六层，忌廉和蛋糕相间，蛋糕硬在，浓浓朱古力香，味道唔会太甜。抹茶燕麦奶暖笠笠，入口都几香滑，有抹茶的甘香，都有燕麦奶的香甜，甜度适中，岩我口味。