紅磡冰室 (已結業)

炮台山好似冇咩cafe可以食個afternoon tea，慢慢吹下水，食件cake。見到呢間有下午茶就入左去。下午茶個menu都幾多野揀既...我就叫左個懷舊西多士。佢係配煉奶既，我問佢有冇糖漿，佢話冇... 個西多士中間夾住係類似奶皇唔係花生醬，而且得中間位置有。可能食唔慣啦，覺得一般般。另外仲試食左朋友個炸魚薯條，當然冇外國個啲咁好食啦。呢到個魚柳薄左啲，就黎層粉仲厚過佢。不過黎既時候熱辣辣，都唔錯。呢啲野食係餐黎既，我知好多人都下午茶配紅豆冰，呢到係加5蚊既，但我冇試唔知好冇飲。