A Bowl (龍景大廈) (已結業)

於鰂魚涌糖廠街附近的海光街搵到一間食雜錦壽司飯的小店，主打外賣，十分受打工仔歡迎。食物選擇包括魚生、沙律、肉類等，多種食材配搭新穎，顏色豐富，賣相吸引，見到個Bowl已經胃口大開。自選 bowl 揀咗壽司飯、八爪魚、牛油果(半個)、秋葵、蟹籽，醬汁揀櫻花蝦芝麻醬，其他配料有青瓜粒、雜椒、秘製脆脆及蛋絲，材料多元化，自由組合一定合自己口味。Fishbowl包括三文魚、吞拿魚、鯛魚、牛油果、洋蔥、蟹籽、日本溏心蛋、壽司飯 及其他蔬菜配料，配秘製柚子豉油，三款魚生大大粒，新鮮可口，溏心蛋也十分美味。每個bowl 都會包一杯自家製養生檸檬薑麥茶(熱)，凍的加$2。除咗壽司飯同沙律係凍食，都有熱食㗎。