元気寿司

营业中

休息中

差唔多9点半嚟到，所以都无咩人，而店员亦好好态度招呼。可能一次落得太多茶粉，有点浓不过好香茶味。分别叫左一个竹轮乌冬同太极面，竹轮乌冬汤底仍然保持水准，十分浓郁，忍唔住饮哂太极面就比较干，加少少汤去食就好好多。炸虾卷相当脆口，每次必点之选！炙烧明太子三文鱼上面d明太子非常好食，为三文鱼嘅鲜甜点缀。玉子寿司就比较干身，鱿鱼亦都唔够新鲜，有点失望。北寄贝沙律寿司则沙津味偏重。至于炸大虾天妇罗就真系好大，足足有一部电话咁长，相当脆口，不过炸粉太厚，是为败笔。最后必点的软榖蟹手卷，软壳蟹外脆内软，加上沙律酱，perfect match！ 不过软壳蟹好似比上次细左。