Follow (已結業)

琴日同朋友嚟到長沙灣青山道呢一間餐廳食飯，呢間餐廳喺鬧市中非常獨特，因為佢入面裝修得好雅致， 特別適合文清嘅朋友，外面黑色嘅裝修未必睇得清入面咁靚嘅裝飾，所以真係要推介俾大家。我哋叫咗兩個二人餐前菜可以揀沙律或者椰菜湯椰菜湯好滑，係節食嘅佳品，因為冇卡路里；沙律就爽口。叫咗一個美國安格斯肉眼扒，配蘋果姜果粒茶肉眼扒五成熟，都幾大塊，肉質鮮嫩，而且肥瘦適中，配薯菜，有瓜同埋薯條。綠色係芥末汁，配肉眼扒都幾清新。特別要讚下個薯條，炸得好好食😋蘋果姜果粒茶非常之抵飲，就算單叫到只係48，勁大碗，同埋配埋蜜糖，飲落去好舒服，對身體有排毒嘅作用，唔係普通色素茶👍🏻另外叫咗燒春雞配薯菜，加芒果菠蘿奶昔半隻燒春雞，肉質滑，有埋雞翼，皮炸得好趣。芒果菠蘿奶昔夠晒清新，配埋上面嗰陣cream，又靚又好飲最後叫咗個甜品，窩夫配雪糕。窩夫入面有黑糖麻薯！呢個係一個驚奇，夾埋都幾好食，仲甜甜地，配埋抹茶雪糕得好係絕配❤️環境非常之靚，音樂又好聽，好chill! 好適合文清嚟呢度坐下食下野，其實成日都唔知佢咩文清餐廳好，呢度打卡就真係唔錯！