星巴克咖啡

营业中

休息中

紅豆抹茶星冰樂® (venti $42)叫咗杯特大杯同友人一齊試吓，職員比咗枝飲管係專For呢個星冰樂嘅，飲管真係粗好多喎！又估唔到會有咁多紅豆，一粒粒好分明而唔係紅豆蓉溶入星冰樂中，好有口感好好食呀！！而抹茶忌廉比我想像冇咁甜喎，不過飲到中斷就開始覺得甜喇，但真係有幾重抹茶味，真係好好飲，可惜一杯Tall都要 $36，係好貴呀，雖然真係好好味。亞麻籽甘荀鬆餅 Flaxseed Carrot Muffin ($16)嗱嗱嗱，真係唔好以為睇到係亞麻籽同甘荀說好似好健康，話明係Muffin，即係主要由糖、蛋同牛油製，有幾健康可想而知啦，其實係可以用約３匙植物油來代替大量牛油嘅，不過連鎖店又點會咁做丫！不過講到尾最緊要肥得來要好食先得嘅。呢期＜亞麻籽甘荀鬆餅＞都真係唔錯，牛油味唔重食落冇藍莓Muffin油份咁多，食落口都幾多甘荀絲，裡面都有甘荀絲，只係亞麻籽點解咁少嘅，只有面層而已，不過又真係覺得比其他Muffin健康Ｄ喎。