正宗上海生煎皇 (已結業)

久唔久又會想食下上海菜，係深水埗揀咗呢一間，一入到去見到成埲牆都係報道，感覺上好似好好食，但係事實上我覺得只係幾好食，未去到話回味無窮嗰隻～第一次食所以只係叫咗兩隻嘅生煎包試吓味，生煎包都多肉汁，包都夠脆。回鍋肉粗炒分量足夠，不過就唔夠生煎包嗰啲上菜快，都要等一陣，不過就勝在夠新鮮製作，味道我都覺得唔錯，同埋我覺得呢碟好食在於啲麵條幾有彈性，同埋個醬都好OK。上海炸豬扒菜飯，菜飯啲菜好似唔夠新鮮，豬扒我覺得ok嘅，亦都唔會係熱氣嗰隻炸，不過就唔夠新鮮製作，亦都食到原本嘅肉質比較「銀」。冷熱豆漿嘅分別，凍豆漿會比較大杯少少。overall2個人食左150蚊，小店黎講我覺得有點貴～