Spring field (已結業)

越南河粉係我嘅最愛之一，公司附近都有好幾間越南菜館，但質素普普通通；最近朋友話我公司附近開咗間越南牛肉河粉專門店，咁梗係約埋佢一齊去試吓啦。職工二圍用膳，我哋去到都差不多3點，但都有6/7個人等位😦，幸好等咗10分鐘就可以入座，如果唔係分分鐘餓暈😂一坐低就即刻寫點菜單，好似食日式拉麵咁，可以自由揀配料多或少，實在貼心又方便。由於心多多，我就叫咗乜都有嘅大滿足全配料牛肉河：擺盤賣相精美令人食慾大增，先試一口湯汁，清澈帶牛肉鮮味，河粉比平常食開的比較有彈性爽口，半熟的安格斯牛肉片，肥瘦均衡軟滑有肉味，慢煮牛肉條有兩大條，一點也不吝嗇，慢煮使肉質變軟而又可以保留肉汁，根位由其軟熟入味，非常出色。而更出乎意料之外係牛丸非常高質！彈牙之餘還非常濃牛肉味，就好似食緊黑安格斯那香濃滿口油香，比起好多名氣牛丸專賣店，高出幾個level 呀！真係令人再三回味😋。