影片
更多
2022-10-06
836 浏览
座落皇后大道東嘅sour dough係由著名瑞士糕餅廚師Gérard Dubois所開設，一睇個名就知sour dough係佢響噹噹嘅招牌。cafe採用半開放式設計，以湖水綠色作主調，提供嘅烘焙食品都係由培育咗逾30年嘅酸種麵團所發酵而成。一行到入去，迎面而嚟就係一大個玻璃櫃，陳列著各種麵包、pastry同埋甜品，令人頓時垂涎三尺，陷入選擇困難之中。𖦹 hot reuben sour dough sandwich with green salad $102 酸種包早於古埃及時期已經出現，貴為最古老嘅發酵麵包之一。佢除咗味道醇厚濃郁之外，外皮仲富有彈性同埋嚼勁，口感極佳。今次以酸種包配上醃牛肉、德國酸菜以及芝士，味道層次豐富，食材互相輝映。𖦹 mille feuille / tahiti vanilla cream $82 呢個絕對係是日VIP！千層撻上面每層酸種酥皮呈半透明，入口咬落去有清脆利落嘅聲音，仲散發濃郁嘅牛油味。加上富雲呢拿香氣嘅幼滑忌廉同埋酸酸甜甜食到果肉嘅紅莓醬，perfect combo，出色之作。𖦹 sour dough crisp $48 將sour dough搖身
𖦹 hot reuben sour dough sandwich with green salad $102
酸種包早於古埃及時期已經出現，貴為最古老嘅發酵麵包之一。佢除咗味道醇厚濃郁之外，外皮仲富有彈性同埋嚼勁，口感極佳。今次以酸種包配上醃牛肉、德國酸菜以及芝士，味道層次豐富，食材互相輝映。
𖦹 mille feuille / tahiti vanilla cream $82
呢個絕對係是日VIP！千層撻上面每層酸種酥皮呈半透明，入口咬落去有清脆利落嘅聲音，仲散發濃郁嘅牛油味。加上富雲呢拿香氣嘅幼滑忌廉同埋酸酸甜甜食到果肉嘅紅莓醬，perfect combo，出色之作。
𖦹 sour dough crisp $48
將sour dough搖身一變成為小食，非常有創意，勁脆口好似薯片咁，加埋海鹽同香草，送酒一流。
𖦹 almond sour dough croissant $28
牛角包充滿空氣感，表面舖滿杏仁同開心果碎🥐，口感豐富。咬落內外都保持香脆，略帶煙韌，與甜甜嘅吉士醬很夾。
𖦹 feuilletine tart blueberry $30
口感同牛角包相似，但呢個加咗藍莓，酸酸甜甜，非常開胃。
𖦹 earl grey cannelé $22
伯爵茶味意外地突出，外脆內濕潤，喺香港好少食到呢樣甜品。
𖦹 apple turnover $32
半圓嘅蘋果酥切開係滿滿香甜嘅蘋果，食落口感好似喺naples食嘅sfogliatelle!!!
𖦹 feuilletine tart vanilla $28
雲呢拿香氣濃郁，蛋漿幼滑，就係一個升級版葡撻。
𖦹 sourdough quiche salmon $45
蛋餅批幾酥脆，香草味突出，有好多三文魚肉呢。
𖦹 aperol spritz $52
𖦹 white wine $60
happy hour 嚟講酒是必須。介紹返，aperol spritz係經典的意大利開胃酒，顏色搶鏡、多氣泡、清爽易入口，難怪被意大利人默認為完美嘅餐前酒。
𖦹 chai latte $42
𖦹 iced valrhona chocolate $72
chai latte幾重香料味；凍朱超濃郁，不過同我平時飲嘅味唔同，難道這就是高級的味道？
𖦹 dark rye sour dough bread $36
食完唔夠喉決定買多個返屋企，酸種麵包食落煙煙韌韌，黑麥香氣撲鼻，無論單食定係夾咩食材都得。
张贴
