野玩山店 (已結業)

友人生日，於是來了她選的灣仔something wild，說好耐以前食過好好食，唔知依家有無失準呢。先有一個半放題式的前菜供應，頗多野食，基於我係mussel and smoke salmon lover，所以很滿足。直接跳入重頭戲講主菜，叫左個「意式大蝦蜆肉扁意粉」，好鐘意乾身既蜆意粉，呢個還可以，夠味，又唔會乾爭爭咁，都多蝦！仲有我最鐘意既紅色絲係上面，唔記得左係咩，但呢個伴意粉真係一流。另有，「荷蘭鍋甜酒燴牛尾」，真係超級好食，必食推介！超入味又夠腍身！不得了，念念不忘呀～另外個「香烤美國安格斯西冷配紅酒汁9oz」，都不錯，表面煎得很甘香，內裏又嫩滑，夠牛味，同個汁好夾！達到標準了！最後一味勁野「香濃芝士焗波士頓龍蝦」，肉尚算新鮮，這個反而沒有上兩味出色～飲品會建議揀凍野，服務都唔錯！