影片
更多
2019-06-27
223 浏览
朋友係openrice見到soho呢間尼泊爾菜有半價優惠！咁抵食就叫埋我去。尼泊爾菜本身唔係好辣，所以應該都適合我嘅口味。行到扶手電梯頂，見到呢間大大個橫額寫住係Soho第一間餐廳。入嚟已經聽到輕快嘅尼泊爾歌曲。<南瓜香菜湯> （$62）呢個湯真係一絕，係新鮮嘅南瓜打出黎，無落奶類製品一樣咁滑，呈現出最自然嘅南瓜味，仲好濃郁添。<什錦菜咖喱角> ($72)呢個餡料超豐富，有綠豆、薯仔、腰果。話就話少辣，對我平時食開BB辣黎講都唔算辣啊。仲跟好多款汁可以落，分別有甜既芒果、酸既酸豆、夠清爽既薄荷乳酪、少少辣既番茄紅椒、麻辣既青椒芫荽。咁多款，味蕾夠曬滿足。<咖哩杏汁石斑魚> ($165)、<香草飯> ($78)、<尼泊爾包> ($55)石斑魚超滑，配上呢個用杏仁同尼泊爾香料調製既奶滑咖哩汁，真係飯都食多兩碗。尼泊爾既飯比較幼細，入面仲有一粒粒藏紅花，用尼泊爾傳統銅器裝住，咁得意，問下侍應，原來呢種飯用左八種香料調製，比我地平時食既飯更容易消化，而且個銅器係比正常煲有更高既鎖汁能力。同時亦叫埋尼泊爾包黎配呢個美
朋友係openrice見到soho呢間尼泊爾菜有半價優惠！咁抵食就叫埋我去。尼泊爾菜本身唔係好辣，所以應該都適合我嘅口味。行到扶手電梯頂，見到呢間大大個橫額寫住係Soho第一間餐廳。入嚟已經聽到輕快嘅尼泊爾歌曲。
<南瓜香菜湯> （$62）
呢個湯真係一絕，係新鮮嘅南瓜打出黎，無落奶類製品一樣咁滑，呈現出最自然嘅南瓜味，仲好濃郁添。
<什錦菜咖喱角> ($72)
呢個餡料超豐富，有綠豆、薯仔、腰果。話就話少辣，對我平時食開BB辣黎講都唔算辣啊。
仲跟好多款汁可以落，分別有甜既芒果、酸既酸豆、夠清爽既薄荷乳酪、少少辣既番茄紅椒、麻辣既青椒芫荽。咁多款，味蕾夠曬滿足。
<咖哩杏汁石斑魚> ($165)、<香草飯> ($78)、<尼泊爾包> ($55)
石斑魚超滑，配上呢個用杏仁同尼泊爾香料調製既奶滑咖哩汁，真係飯都食多兩碗。尼泊爾既飯比較幼細，入面仲有一粒粒藏紅花，用尼泊爾傳統銅器裝住，咁得意，問下侍應，原來呢種飯用左八種香料調製，比我地平時食既飯更容易消化，而且個銅器係比正常煲有更高既鎖汁能力。同時亦叫埋尼泊爾包黎配呢個美味咖哩，個包同印度包一樣，有韌性，好有咬口，真係風味非凡。
<尼泊爾啤酒> ($48)
美味豐富既一餐點少得尼泊爾啤酒，呢支啤酒犀利啦，原來係海拔5500米嘅珠穆朗瑪峰嘅山泉特製而成，口味清新，少少甜再帶有少少麥味，唔算太多氣，幾啱我口味。
食左咁多野，仲有得半價，超正！原來呢度食夠$1000仲有得送Rum酒！下次真係要叫齊成班同事上黎食番餐勁既。
张贴
