影片
更多
2019-11-05
125 浏览
📍熱菇喲 (中環)中環蘇豪士丹頓街21號地舖-----收工相約朋友仔到蘇豪區搵食 由於我哋諗唔到食咩好 所以就逐間逐間餐廳睇下佢Menu 睇吓有咩啱食 喺蘇豪區呢度10間有8間餐廳都係西餐 所以B仔同朋友仔最後就比呢間顯得與別不同嘅日式居酒屋吸引左 呢間居酒屋座位唔算好多 但環境新淨 枱同枱之間空間感足夠 喺蘇豪區黎講算係好坐嘅餐廳 😄-#玉子燒（$72）唔係講笑 呢一個玉子燒比B仔目前食過嘅每一間日式餐廳都要出色 係日本當地嘅鋪頭都未必做到嘅質素 蛋質嫩滑 蛋味香濃啖啖食落去都熱辣辣 而且極為Juicy 雖然唔平但係真係好完美 鍾意食玉子燒嘅話一定要試下 🥰-#比目魚西京燒（$178）唔好以為呢個價錢好貴因為呢條比目魚真係好大條 size近乎有B仔嘅前手臂咁長 食落去魚質非常柔嫩 帶有淡淡清酒味時間火候控制得啱啱好 唯一係醬汁重手左些少😝-#半殼蠔（2pc-$72）size一隻大一隻細 唔知係特登 定係咁啱嘅但無論大定細都非常新鮮不過都係同比目魚一樣 個人認為醬汁少啲可以更顯海鮮嘅鮮味尤其係佢哋嘅海鮮其實用得好靚 其實我估唔需要點調味 應該都已經好好食🤣-#蘆筍豚肉卷（$68）豚肉嘅
中環蘇豪士丹頓街21號地舖
-----
收工相約朋友仔到蘇豪區搵食 由於我哋諗唔到食咩好 所以就逐間逐間餐廳睇下佢Menu 睇吓有咩啱食 喺蘇豪區呢度10間有8間餐廳都係西餐 所以B仔同朋友仔最後就比呢間顯得與別不同嘅日式居酒屋吸引左 呢間居酒屋座位唔算好多 但環境新淨 枱同枱之間空間感足夠 喺蘇豪區黎講算係好坐嘅餐廳 😄
-
#玉子燒（$72）唔係講笑 呢一個玉子燒比B仔目前食過嘅每一間日式餐廳都要出色 係日本當地嘅鋪頭都未必做到嘅質素 蛋質嫩滑 蛋味香濃啖啖食落去都熱辣辣 而且極為Juicy 雖然唔平但係真係好完美 鍾意食玉子燒嘅話一定要試下 🥰
-
#比目魚西京燒（$178）唔好以為呢個價錢好貴因為呢條比目魚真係好大條 size近乎有B仔嘅前手臂咁長 食落去魚質非常柔嫩 帶有淡淡清酒味時間火候控制得啱啱好 唯一係醬汁重手左些少😝
-
#半殼蠔（2pc-$72）size一隻大一隻細 唔知係特登 定係咁啱嘅但無論大定細都非常新鮮不過都係同比目魚一樣 個人認為醬汁少啲可以更顯海鮮嘅鮮味尤其係佢哋嘅海鮮其實用得好靚 其實我估唔需要點調味 應該都已經好好食🤣
-
#蘆筍豚肉卷（$68）豚肉嘅油脂流晒落露筍到所以顯得豚肉毫無油膩感 而內裡嘅蘆筍就好大碌咬落索索聲 好香脆😊
-
#鹿兒島薩摩赤雞腩肉（$68）呢款串燒喺Menu入面並冇寫喺度 係由店員話俾我哋知嘅 佢哋話除咗固定Menu之外佢哋亦會根據當下嘅時令食材 引入期間限定嘅嘢食比客人選擇 而今期嘅期間限定就係呢款黎自鹿兒島嘅薩摩赤雞腩肉 雖然係腩肉位 但係由於呢一種雞係放養嘅所以脂肪含量比較少 食落雞味重亦比較健康 未試過嘅話不妨一試 的確同平時普通雞嘅雞味有唔同😆
-
#清酒煮沙白（$108）清酒味頗重 沙白肥美大隻湯底冇咩額外調味 只有沙白鮮味同酒味個人非常中意😊
-
#雞腎（$32）燒得較乾身 但腎味重 不過不失🤔
-
#A5和牛粒（$58) 牛質未算入口即溶 但牛味濃 醬汁味道調得到位 唔錯😛
-
#無激素雞翼（$42）雞翼燒得外脆內嫩 只用少少鹽作調味已經令人食到停唔到口而且寫明係無激素 令人食得好安心😁
-
#稻庭烏冬（冷-$68）烏冬比較扁身 口感彈牙 加埋生鵪鶉蛋 食落滑溜溜 清清淡淡 冰涼透心 同串燒好夾 😊
-
*嘢飲方面 佢哋有好多酒 不過B仔因為抱恙在身 所以就冇飲酒如果你哋都同B仔一樣唔想飲酒嘅話 推介大家試吓佢哋嘅巨峰提子梳打 味道唔錯😄
👶🏻B仔整體評價：8/10個👍🏻
👶🏻B仔抵食程度：7/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
（店主好有熱誠 非常nice 令人食得幾舒服）
-----
☺️快D跟住B仔一齊吞食香港啦！🤤
张贴
