好易食

营业中

休息中

今日又黎到中環區soho覓食，門口見到呢間holy eat啲燈咁靚，入面裝修又有特色，好多唔同風格既畫，好有氣氛，一於就試試佢見到咁多外國人係到，都估到係食西餐呢到西餐全部都好有個人風格特色，唔係普通西餐廳食扒咁簡單，每道菜都好有心機，細節位都做得好細心，每樣食材都做足功夫頭盤椰菜花，食落有少少咋煙燻味，但原來主角係隔離啲薯蓉，入面加左重蒜同橄欖油，好香濃，配上脆脆多士食一流！未食過咁有特別既薯蓉！菠菜闊條麵，成條麵都係綠色好彈牙，醬汁好creamy，面頭加左帕馬森芝士吊味，食落先知原左加左少少辣椒粒，辣辣地好過癮！Fish and chips，炸魚同薯條都係即炸熱辣辣脆卜卜，特別係炸魚真係咬落有聲，而且就算唔點醬都食得出好香魚柳鮮味不過原來主角又唔係魚唔係薯條，兩款醬先至係最出色！sour cream同牛油果醬唔好睇落無得特別，入面加左green onion提鮮，相信仲加左其他秘方，食落一啲都唔膩，話係我so far食過最好食既醬都唔過份！必食西多士，仲見到外層啲蛋絲係到，面頭再灑左杏仁片，食落脆卜卜好有口感，中間夾左蘋果蓉，淋上楓糖漿花生醬勁香口，多重味道超級一流！