尖沙咀凱悅酒店咖啡廳

今次又係2個人，又再食。OpenRice 訂位，仲有8折。真係好鍾意黎，每次都有新發現，感覺認真唔錯今個月有和牛壽司，即叫即做。無論食材，烹調技巧，都一流。因為平日，無即開油甘魚。可能係平日人太少，龍蝦雖然即煮，但無人排隊拎，食極都係第一煲個啲(食左3隻)，感覺放左好耐咁，有啲失色。甜品多左雞蛋仔，非常脆口。自製配搭加上生果同雪糕，一流。燉湯亦都非常出色，每次去都會飲兩三碗今次仲未試到佢即製卡邦尼意粉，希望下次仲記得留肚試啦平日OpenRice 訂枱仲有8折，正！