影片
更多
2018-01-27
215 浏览
有時候食得太多日本野、韓國野、西餐，都想回歸本質，食返一d香港本土既食物。有時候，可以治愈心靈既，都可能係一碗通粉、西多或者一杯港式奶茶。途徑屯門，見到呢間羅麥記，主打懷舊復古，都幾有意思，就想試下啦。餐廳入面燈光比較暗，周圍既擺設都好有時代感，好適合影相打卡。周圍都滲透住一種香港情懷，主打茶餐廳食，亦有1 d fusion創意菜式。雞翼撈丁，丁麵鋪底，上面有4隻瑞士雞翼，調味調得岩岩好，甜甜地，雞翼俾濃濃既醬汁包住。丁麵痴到d瑞士汁，都變得甜甜地。抵讚既係，丁麵煮既時間岩岩好，唔會過腍，仲係好爽口。避風塘炒麵，麵比較乾身但又唔會乾到好Kun，有d炸蒜蓉灑面，都幾香，麵有d微辣。入面有好幾種海鮮，其中蝦仁都幾大隻同鮮甜，可惜軟殼蟹就有d缺陷，可能係因為提早炸定，所以已經有d腍左。麵包磚咖哩軟殼蟹飯好特別，將一磚方包挖左個窿之後填d飯入去，飯上面淋左層咖哩汁後再鋪上兩隻炸過既軟殼蟹，經過油炸後既軟殼蟹非常香口，香脆惹味。雖然飯上面有咖哩汁，但唔係特別多，依然食到飯既粒粒口感。而且份量好足，食完個飯都根本冇肚食個包。呢度d菜式確實幾有新意，但如果話味道呢，就真係so far so good
餐廳入面燈光比較暗，周圍既擺設都好有時代感，好適合影相打卡。
周圍都滲透住一種香港情懷，主打茶餐廳食，亦有1 d fusion創意菜式。
雞翼撈丁，丁麵鋪底，上面有4隻瑞士雞翼，調味調得岩岩好，甜甜地，雞翼俾濃濃既醬汁包住。
丁麵痴到d瑞士汁，都變得甜甜地。抵讚既係，丁麵煮既時間岩岩好，唔會過腍，仲係好爽口。
避風塘炒麵，麵比較乾身但又唔會乾到好Kun，有d炸蒜蓉灑面，都幾香，麵有d微辣。入面有好幾種海鮮，其中蝦仁都幾大隻同鮮甜，可惜軟殼蟹就有d缺陷，可能係因為提早炸定，所以已經有d腍左。
麵包磚咖哩軟殼蟹飯好特別，將一磚方包挖左個窿之後填d飯入去，飯上面淋左層咖哩汁後再鋪上兩隻炸過既軟殼蟹，經過油炸後既軟殼蟹非常香口，香脆惹味。雖然飯上面有咖哩汁，但唔係特別多，依然食到飯既粒粒口感。而且份量好足，食完個飯都根本冇肚食個包。
呢度d菜式確實幾有新意，但如果話味道呢，就真係so far so good，不過呢度食既都係環境同氣氛，都幾適合老一輩人黎呢度飲杯奶茶，傾個閒計，細數當年史。
张贴
