Simplylife Bakery Cafe (已結業)

成日同朋友話食simplylife ，話食話食，講左成年都未成事！😋好唔容易卒之等到今日，約咗去銅鑼灣行街之餘，仲食埋個期待已久嘅afternoon tea 😃去到係下晝四點幾，估唔到都有七八成滿座，去到氣氛好寧靜下，氛圍好舒服啱哂傾計，地方都好闊落，坐得好舒適，環境好乾淨，大讚！！👍叫咗個套餐，蛋糕揀咗綠茶竹炭綠茶慕絲蛋糕配earl grey tea 去到蛋糕上枱，估唔到件蛋糕係咁靚！真係好好食，估唔到竹炭同綠茶係咁夾！😍一啲都唔會過甜，配上伯爵茶剛剛好。🤘我本身唔算係好鍾意食cream嘅人，都覺得個蛋糕好好食，啲cream一啲都唔溜，仲好香牛乳味添👏而佢個伯爵茶都好好飲，佢係用個金屬茶壺上枱嘅，配上個小茶杯俾你針出嚟飲，我諗大概有四五杯左右，當然熱水可以再加啦。好香茶嘅味道，而且一啲都唔苦澀，正🙈！雖然只係用茶包沖出嚟但我都覺得好正唔知有冇得買返屋企飲呢？🎈咁樣食一個下午茶餐先至50幾蚊，真係值得推介！