Peko Peko Eatery (康怡廣場北座) (已結業)

今次去咗康怡新開嘅餐廳，餐廳環境闊落，空間感十足，還有水泥風洞穴座位，好適合女生們打卡。慢煮和風醬油八爪魚平時食八爪魚會𡁻到嘴都軟埋，但呢到嘅八爪魚經過慢煮後，肉質相當軟腍，從來都未食過咁腍嘅八爪魚，配搭醬汁更添滋味，伴碟有蜆肉、青口同沙律菜。法式油封鴨腿配紅菜頭汁鴨腿充滿油香，鴨羶味濃郁，肉質軟腍，輕輕切開就能骨肉分離，配紅菜頭汁甜甜地幾特別，伴碟有薯仔配sour cream ，味道不比主菜遜色。釀海鮮南瓜批個名雖然叫南瓜批，但覺得叫南瓜盅比較貼切，整個南瓜裝滿了海鮮，包括有魷魚、蜆肉、青口、蟹柳、帶子、鮮蝦等，還有這海鮮南瓜批的靈魂 - 三文魚籽，令鮮味帶到最高境界。和風味噌焗蠔焗蠔上枱熱辣辣，蠔肉肥美，第一次食味噌焗蠔，味道唔會好咸，幾好食。