影片
更多
2021-10-31
43 浏览
行行下肚餓想搵野食，見呢間越南野有下午茶，幾多野揀而且價錢又唔貴，所以就入左去舖頭細細間但下午茶都幾多野揀，有粉麵又有小食揀左個越式小食拼盤，入面有越式海鮮春卷、魚露雞翼同泰式炸蝦餅全部都新鮮炸起熱辣辣越式海鮮春卷好鬆脆，不過個餡就唔係好食到有海鮮；泰式炸蝦餅就薄左d，但都幾彈牙；魚露雞翼就普普通通，唔係好食到魚露味，但味道係正常既；另一個揀左越式法包，裡面有牛油、肝醬、肉鬆、五花腩片、越式扎肉、蘿蔔絲、青瓜同芫茜D餡多到飛出黎，口感幾豐富，味道都唔錯，法包暖暖地同軟熟，都幾好味下午茶有包飲品，豆漿或可樂，兩個人埋單唔洗一百蚊，唔係好多地方食到越式法包，下次有機會會再試下其他野
张贴
