金撈老鴨湯刺身火鍋專門店 (已結業)

好耐無打過邊爐啦～ 平時打邊爐食黎食去都係果幾款湯底， 今次就同爸爸去試下未食過既老鴨湯底邊爐！ 呢間火鍋店位於佐敦， 附近幾條橫街都幾多野食喎， 間餐廳近街尾， 兜左兩次先揾到！ 六點幾去到，暫時都係得一兩台客，可能太早啦～ 一坐低揀野食，店員好Nice咁介紹有咩新野，仲話打左卡有小食送，咁梗係即刻做啦～ 送既小食係麻辣鴨腎同鴨掌，都幾惹味！！ 打邊爐混醬都好緊要，呢度都有十幾款可以混～ 飲品就點左檸檬薏米水，都幾好飲～ 有幾款招牌老鴨湯底揀，Si就揀左金撈富貴老鴨湯，入面有素翅、蟲草花、杞子等既藥材，仲有隻鴨脾添！湯滾左就先飲湯然後再打邊爐，D湯好鮮甜呀，鴨肉都好嫩，完全可以食番晒，好彩點半隻咋，兩個人如果點一隻就太多喇 點左帝王蟹肉棒 打邊爐都要食花膠！！點左呢個花膠筒，但得四件咋！！如果一碟有多D就好啦！！哈 點左呢個招牌北海道干貝滑，有少少似墨魚滑，但當中既口感又有少少唔同，試下都唔錯呀 鹿兒島黑豚腩肉，無平時D豬肉片咁韌，都OK 呢個有機花生苗芽幾得意，第一次食咋！個樣有少少似大豆芽，但佢又真係花生黎喎，仲有花生衣添呀，口感就有少少似大豆芽，花生果個位幾香，好得意 同老闆