道頓堀御好燒專門店 (朗豪坊) (已結業)

一直都知道有呢間自己整大板燒既餐廳，但又唔想排隊，所以一直都未試過，今次趁住下午茶時間去，餐廳都坐滿八成，但唔洗等位就可以直入，正～～～第一次食都唔知揀咩好，因為餐牌入面有超多選擇，見到有呢個期間限定， 就揀左鱆魚御好燒 因為未整過，所以都驚唔識整。。。但餐廳一早預備好教學，教人點樣整唔同既御好燒，有圖有字一睇就明～ 個位對住塊鐵板，可以自己做大廚～ 旁邊有油同調味，可以根據自己既口味黎落 呢個就係鱆魚御好燒啦其實只要自己攪拌好就可以燒倒落去個鐵板度其實都傑傑地，唔算太難煎既，有D似煎蛋餅 煎到燶燶地就可以調味，但就唔好心急，因為都厚厚地，唔會太易熟，跟番店員教既時間黎煎就岩喇。呢個鱆魚御好燒個味其實同燒墨魚丸一樣。。。但都幾好味既，加上一燒好即刻食，好香口 因為係下午茶，所以都唔想食太多，甜品原本想點芝士厚pancake，但無。。。唯有點朱古力pancake 啦，都一樣係自己燒既 呢個一份都煎到六至七塊，口味比較乾，雖然有杯cream加朱古力醬但都係無乜味，兩個人食真係好飽呀。。。知道點多份咸既好過。。。 自己燒都幾得意，如果唔洗等位都會再試其他味，不過prefer咸多過甜。