樂湯雞麵館 (登龍街) (已結業)

好耐無出街食飯喇！間唔時都想出去抖下氣，所以今日收左工就喺附近搵間餐廳食飯～見到呢間餐廳個名幾得意就試下啦～都有唔少選擇喎！好多野都想食呀！花多眼亂添～～最後都點左唔少野～麻辣海參～呢個真係第一次食～好少見麻辣海參啊～好香麻辣味，海參都夠淋，少少辣啦～呢個口水豬手幾好，無骨架，啖啖肉好方便，呢個都係少少辣，仲多左花椒八角既香味，唔錯～至尊鮑魚雞大碗飯～呢個係店員推介既，都無介紹錯啊，仲有鮑魚雞汁冬菇飯底～一個女仔應該食唔晒一碗～抵食啊～仲點左個藥膳醉雞刀削麵，好香藥材味仲加左紅棗柱圓所以甜甜地～醉雞都好香花雕味，雞肉都嫩滑，好味喎～蟲草花杞子浸翡翠苗～呢個都幾大碟，清清地，都幾好～依家試業期間仲有九折～見到好多人點砂鍋花膠雞湯翅似好好味，下次要試下先～