I Leisure (已結業)

成日見朋友分享食shake shake 海鮮袋，今次到我哋打卡。來到尖沙咀嘅 I Lesiure，佢哋就係主打shake shake海鮮袋，而醬汁仲係獨創秘製嘅馬拉辣汁，可以選大、中、小辣，我哋要咗小辣，所以辣得來還可以，亦十分滋味！shake shake 海鮮袋內的食材也十分豐富足料，內有鮑魚、蜆、蝦、扇貝、青口、腸、粟米…… 店員會幫我哋shake均勻海鮮袋入面嘅海鮮和秘製辣汁，務求令袋內嘅所有食材都沾滿滋味！餐廳亦為食客準備好了圍裙、手套、濕紙巾，非常體貼！另外叫咗碟德國豬手， 脆皮豬手外皮香脆，肉質juicy，上碟前已預早切成小塊，方便顧客品嚐。除此之外，餐廳仲做緊優惠，現二人同行惠顧主食就送一份麻辣小龍蝦。麻辣小龍蝦，味道又麻又辣 配有大量辣椒香料，非常刺激！ 好辣的朋友不要錯過！