629 淥易搞 (已結業)

今日約咗一班朋友食飯，咁啱經過呢間餐廳，見到佢主食係shake shake海鮮咁特別，咁就試下啦。Menu見到既飲品名真係十分有趣，都唔知係咩尼😂原來喺另一個餐牌有寫係咩flavor，我地就點左荔枝同菠蘿味(不過唔記得係對應邊個名🙈)兩杯飲品都好好味，啱哂鐘意甜野嘅我。等咗半小時，我地既shake shake海鮮就尼到啦！今次真係第一次咁樣食海鮮，呢袋海鮮加咗青檸醬，酸酸地好有泰式風味，但又唔會太辣，好味！另外，d龍蝦全部拆左殼落去shake，好貼心亦都方便食; 仲有青口同埋蜆，味道都唔錯。-另外嗌咗菜+其他肉類，今次點蒜蓉醬尼shake，個味有點淡，不過用法包點嚟食就啱啱好。而個栗米同娃娃菜都好食，幾清甜，但係d雞翼拎埋尼shake就惗哂，雖然個味道不錯，但質地就怪怪的。-除咗shake shake 食物，我地仲嗌咗pizza餅、紅菜頭麵，同埋薯角，薯角炸得卜卜脆，加埋茄汁都好好食呢。