影片
更多
2021-11-12
487 浏览
前幾日好想食海鮮，就同朋友去灣仔呢間餐廳食Shake Shake海鮮，發現原來有二人套餐，都幾抵食。二人套餐$688有Seafood Combo、一款Appetizer、一款pasta或者risotto，同埋兩杯house wine。Appetizer我地揀左脆炸雞翼，可以揀水牛汁 / 燒烤汁 / 蒜香蜜糖汁 /自家製辣粉 / 魔鬼辣汁。因為朋友鍾意比較乾身嘅雞翼，唔鍾意有汁，所以揀左自家製辣粉。辣粉嘅香料好香，雞翼嘅外層好香脆，又唔係厚炸粉嗰種。雞翼大大隻，雞肉好嫩滑，好味。Seafood Combo海鮮有好多款選擇，我地就揀左海蜆、原隻魷魚同埋八爪魚仔。醬汁揀左辣嘅Mr. Crab Cajun Sauce，店員提示呢款醬汁比較辣，所以辣度我地就淨係揀左Medium。Medium都已經好夠辣，食得好惹味好開胃。海蜆、原隻魷魚同埋八爪魚仔呢三款配料都係好掛汁嘅，大力推薦。特別係原隻魷魚真係原隻咁上，再介開左一條條，食落好彈牙，好食。仲有粟米、薯仔同埋腸。薯仔好清甜好好食。粟米好掛汁，所以食落好辣，辣得好惹味。Pasta揀左蟹肉卡邦尼扁意粉。平時蟹肉忌廉意粉就食得多，蟹肉加入卡邦尼裏面都
二人套餐$688
有Seafood Combo、一款Appetizer、一款pasta或者risotto，同埋兩杯house wine。
Appetizer
我地揀左脆炸雞翼，可以揀水牛汁 / 燒烤汁 / 蒜香蜜糖汁 /自家製辣粉 / 魔鬼辣汁。因為朋友鍾意比較乾身嘅雞翼，唔鍾意有汁，所以揀左自家製辣粉。辣粉嘅香料好香，雞翼嘅外層好香脆，又唔係厚炸粉嗰種。雞翼大大隻，雞肉好嫩滑，好味。
Seafood Combo
海鮮有好多款選擇，我地就揀左海蜆、原隻魷魚同埋八爪魚仔。醬汁揀左辣嘅Mr. Crab Cajun Sauce，店員提示呢款醬汁比較辣，所以辣度我地就淨係揀左Medium。Medium都已經好夠辣，食得好惹味好開胃。海蜆、原隻魷魚同埋八爪魚仔呢三款配料都係好掛汁嘅，大力推薦。特別係原隻魷魚真係原隻咁上，再介開左一條條，食落好彈牙，好食。仲有粟米、薯仔同埋腸。薯仔好清甜好好食。粟米好掛汁，所以食落好辣，辣得好惹味。
Pasta
揀左蟹肉卡邦尼扁意粉。平時蟹肉忌廉意粉就食得多，蟹肉加入卡邦尼裏面都係第一次食。估唔到都幾夾，唔會蓋過卡邦尼嘅味道之餘又會食到蟹肉嘅鮮味，平衡得幾好，唔錯。扁意粉嘅軟硬亦都適中。
张贴
