鍋処雪舟 (已結業)

Social distancing  左好耐，忍唔住想見下好朋友。最近人少少，就去去左開平道試日式邊爐鍋処雪舟。我地叫左一個午餐set，包括沙律、茶碗蒸同飲品。沙律唔算大份，細細碗先墊墊肚，加上芝麻醬開胃。湯底方面，今次試左大蔥醬油風味鍋，色澤深，味濃郁，齒頰留香，非常適合配靚牛去打邊爐。肉要左頂級安格斯美國牛小排。以一人份量黎講算好多，雪花均勻分佈，切得厚薄適中，入鍋滾一滾就可以食。入口即溶，刺激味蕾，令人喜出望外！薄薄一口牛，鍋滾即起，唔好貪心，粉紅色剛熟夠嫩滑。另外蔬菜亦有唔少，各種菇類，另有豆腐、粉絲、娃娃菜，份量足夠唔會浪費，而且食材新鮮，打邊爐一流。等鍋滾起時嘆返茶碗蒸。蒸得剛好，蛋嫩滑彈牙，無泡泡或其他雜質，同材料好夾。今次鍋処雪舟打分中上，高質邊爐，環境傾到計、食物質素好，令人留連忘返，下次會再去！