迷客夏 (如心廣場二期) (裝修中)

𝐌𝐢𝐥𝐤𝐬𝐡𝐚 近日推岀左全新Sha樂冰系列~ 36度嘅夏天熱到傻仔咁，飲返杯沙冰消暑解渴一流。Sha樂冰有三款口味，分別係可可伯爵茶、抹茶、龍眼椰椰。▪️龍眼椰椰 3.2 $46真材實料！用上32粒泰國龍眼！不加一滴水同冰！仲可以由芋圓、仙草、蘆薈之中揀兩款配料。初初入口椰子味突岀，繼而會品嚐到龍眼嘅清甜，唔知點解兩樣加埋會有班蘭嘅味道。沙冰相當清甜解渴，唔會好重冰感，甜度恰到好處， 配埋爽口蘆薈、滑溜仙草，口感豐富，仲有小小食緊龍眼肉嘅錯覺。