Little Break Coffee & Kitchen (已結業)

D2 place 開咗咁耐，今日終於有時間去。行之前先去搵食， 下午2點左右來到 Little Break  ， 唔駛等即刻有位。 叫咗兩個 set lunch , 由於即叫即做所以都要等一段時間先有得食 。 兩碟扒都做得好靚， 配菜同様是兩件炸洋蔥圈和沙律菜， 我覺得豬扒好D， 近骨嘅肉好好味， 但在這種餐廳唔方便用手揸住條骨然後用牙咬D肉落嚟， 所以最好味個部分食唔晒 。 醬汁都好味 。餐飲有好多選擇， 有多種咖啡唔駛加錢都有得揀， 有D再好些少才需加錢。個湯是蕃茄湯， 對我來說碗湯好酸。 我見附近好多人都叫all day breakfast,  個款都好似幾好味。