影片
更多
2005-08-18
13 浏览
原本諗住去稻恒食日本野因為唔願行, 又諗住好好地食一餐, 明知貴都近近地試下新野去左"澤壽司"入到去, 先知佢地大部份都係做booking客, 所以佢地安排左我地兩個坐bar檯, 一睇個menu冇咩特別野好揀, waitress行埋黎想落單既時候, manageress同時行左埋黎話佢跟我地兩個"順得人"就問佢有咩好介紹啦, 最後佢介紹左池魚, 帶子, 北寄貝俾我地, 佢落左單先覆價錢俾我地, 每一樣都要成$150以上(其實覺得佢應該係落單前講價錢...同埋佢好似剩係識介紹的貴夾唔飽既刺身俾客)最後全程食左:~薑蔥池魚刺身(半條撈埋得一細碗)===味道幾鮮甜, 條魚好肥美~炸池魚骨===普通, 都幾香脆~北寄貝刺身(1隻)===好新鮮~帶子刺身(1隻)===OK, 不過肉質唔同出面食既, 粒帶子可以一絲絲咁食~海膽壽司(2件)===Jennifer話同佢係日本食既一模一樣味道, 我略嫌有少少腥~玉子壽司(4件)===我覺得普通因為我唔好食蛋壽司, 佢就覺得好好味, 所以追加兩件~柚子甜蝦蟹子波子壽司(2件)===柚子味道幾清香, 不過係manager介紹, 食完都唔知幾錢?!~味噌茄子
入到去, 先知佢地大部份都係做booking客, 所以佢地安排左我地兩個坐bar檯, 一睇個menu冇咩特別野好揀, waitress行埋黎想落單既時候, manageress同時行左埋黎話佢跟
我地兩個"順得人"就問佢有咩好介紹啦, 最後佢介紹左池魚, 帶子, 北寄貝俾我地, 佢落左單先覆價錢俾我地, 每一樣都要成$150以上(其實覺得佢應該係落單前講價錢...同埋佢好似剩係識介紹的貴夾唔飽既刺身俾客)
最後全程食左:
~薑蔥池魚刺身(半條撈埋得一細碗)===味道幾鮮甜, 條魚好肥美
~炸池魚骨===普通, 都幾香脆
~北寄貝刺身(1隻)===好新鮮
~帶子刺身(1隻)===OK, 不過肉質唔同出面食既, 粒帶子可以一絲絲咁食
~海膽壽司(2件)===Jennifer話同佢係日本食既一模一樣味道, 我略嫌有少少腥
~玉子壽司(4件)===我覺得普通因為我唔好食蛋壽司, 佢就覺得好好味, 所以追加兩件
~柚子甜蝦蟹子波子壽司(2件)===柚子味道幾清香, 不過係manager介紹, 食完都唔知幾錢?!
~味噌茄子(1客2件)===OK, 茄子燒得幾香
~蟹豆腐(1小件)===麻麻, 好在得一小塊
~燒雞軟骨(1客2串)===幾好味, 燒既時候有連埋小小雞肉, 食既時候冇咁乾
~燒多春魚(1客4串)===好好味, 入面好熱, 出面好香, 係我食過最好味既多春魚
~雜錦天婦羅(1客)===普通, 外層不夠脆
******最後埋單盛惠$968.00******
其間佢推介個sake, 但因朋友唔飲酒冇叫到. 最後又推介雪糕, 朋友都係唔食... (終於識推喇...哈哈)
其實叫完刺身已經預左會好貴, 但係每食完一樣野, waitress或者manager就行埋黎問仲想要的咩, 又推介的咩(都唔知話佢好service定係唔好), 係兩隻鵪鶉女唔好意思之下就叫左好多野, 但係佢的份量又好少, 食左咁多野都係得七分飽, 最後決定咁食落去都唔係辦法, 就埋單走人喇...
张贴