好一鍋海鮮火鍋專門店 (已結業)

作為一間任飲任食火鍋店，呢間餐廳提供嘅湯底種類同配料都幾多下。我地就揀左鯊魚骨猴頭菇湯底同醉雞湯底。配料方面就普通至丸啊菜啊至蝦啊蜆啊魚片啊，連花膠都有！呢到特別嘅係喺限時任飲任食餐廳黎講，啲waiter serve你serve得好快！上菜快，呢個超抵讚！收碟快，唔洗驚啲碟舖到一枱/一架都係。加水都快！係呢到完全唔洗擔心冇湯嘅問題，佢地會自動自覺幫我地加水。不過加水個密度就頻繁左小小，個湯岩岩滾左冇耐就幫我地加湯，搞到又要等佢再滾過！所以呢，食嘅朋友要留意下幾時會有人同你加水啊，唔需要嘅話同佢講聲就得。野飲有韓式野飲，如忌廉溝鮮奶，想飲得健康啲嘅有竹蔗水。到食到咁上下，想食甜品，可以去吱frozen yogurt。百幾蚊咁嘅質素仲有咁多款都真係幾抵食！