牛扒先生 (康怡廣場) (已結業)

走咗去Mr. Steak食佢個semi-buffet lunch，落咗個main course同飲品之後，就可以去自助沙律同甜品吧拎嘢食。Lunch hour人比較多，大部分人都係一嚟就去自助沙律吧拎嘢食，所以自助沙律吧條人龍都長，我過咗陣先出去，都要排5，6分鐘。自助沙律吧有十幾款沙律冷盤選擇，有南瓜，日式豆腐，cold cuts，薯仔沙律，螺絲粉等等，餐湯係蘑菇湯，幾好飲。主菜揀咗爐燒香草春雞，呢個比較普通，不過不失。不過以呢個價錢當食一個lunch buffet，都算ok。食完前菜同主菜，其實已經飽飽地，先醒起仲有甜品。佢嘅甜品吧都有兩款切餅同多款迷你cake，麵包布甸，仲有西米露同豆腐花。不過由於太飽關係，只係攞咗少少試吓。