泰COOL (翩匯坊) (已結業)

屋企附近自從多咗好多樓盤，人流自然多左好多 ，咁又自然地開咗好多食肆。今次就去咗屋企附近海濱長廊沿海一帶嘅一間泰國餐廳食飯， 餐廳都有亞熱帶風情feel， 餐廳外面有露天雅座比客人一路食一路欣賞海景，但係因為實在天氣太熱喇，我同我老公只有選擇坐室內嘆下冷氣比較舒服啲。泰式拼盤拼盤有蝦餅、魚餅、雞翼同春卷， 每樣都好食，炸得好鬆脆可口，味道又唔會太鹹，適中，好味。黃咖哩雞因為唔食得太辣所以叫咗個少少微辣嘅黃咖哩，咖哩非常惹味， 味道濃度適中， 唔太稀亦都唔會太結，不錯。泰式豬肉炒河老公鍾意食泰式炒河 ，而我一 向都唔太鍾意食， 覺得好肥膩好油，點知呢一次有驚喜呀，唔油不特止仲炒得好乾身好好味。海南雞飯呢個海南雞飯就好失望啦，啲飯唔係正宗黃油飯 ， 飯嘅口感又麻麻地， 雞唔夠嫩滑之餘，又鞋口兼冇乜雞味。炎炎夏季梗係唔少得叫番杯冰凍嘅啤酒啤下啦，一路食一路欣賞海景，enjoys !