糖心甜品屋 (已結業)

見屋企樓下新開左間糖水店，就心思思想食下。見佢無咩人幫襯覺得佢好似好可憐咁，因為個位幾隱蔽可能無咩人知，所以就買黎食下做宵夜，食完同自己講... 絕對唔會再幫襯。我地叫左兩個糖水，一個係榴槤金露仲有一個合桃露+杏仁露兩溝。見到糖水個樣都知佢應該唔多好食，因為個樣好醜怪呀。榴槤金露有D西柚，西米，不過兩樣基本上都係無味的。個榴槤金露好杰身，食落去都係無味的，真係少少榴槤味都無。中間有件榴槤肉，呢個係叫做有味D，不過唔係當做所以普普通通，總之就唔好食啦。不過個合桃_杏仁露仲差，一食就知係用粉開的，又係超杰身，而且連D粉漿都見到。食落去只係食到甜味，除左甜味咩味都食唔到。少少合桃香杏仁香都無，食幾啖都唔想食。總之就係非常唔好食，唉，真係唔知講咩好，唯有同你講聲GOODBYE啦。