影片
更多
2017-04-04
123 浏览
最近有單大project忙緊，差唔多成3個月都係一頭煙，同兩位幫手既朋友仔都好緊張，依家終於做哂最前期既工作，可以好好地出黎食飯慶功，所以搵左呢間莎娃迪卡泰國野，見其他人都話唔錯咁，一於黎試下。價錢同想像中差不多，食泰國菜通常都係呢個價位。餐牌都幾多選擇，如果諗唔到食咩可以揀紅字，即係店鋪推薦美食。先黎一個泰式生蝦，原本以為會有8隻，原來得6隻，有少少唔夠喉。生蝦入口又爽又彈牙，沾酸辣汁勁好味。青木瓜沙律，都係酸酸甜甜咁好開胃，份量都比較大，4個人分黎食都可以。青咖哩椰香味突出，唔會覺得好辣，就算唔食辣既朋友仔都話好味，襯埋烤餅食就最啱。香辣惹味既馬拉盞炒通菜，辣度剛剛好，上枱就已經聞到好香，入口唔會過鹹，通菜炒完之後脆度適中，唔會太淋。冬陰功湯，估唔到入口都唔夠酸辣，唔似得泰國個種強勁酸味，可能係調整左變成香港人口味，但味道都唔錯，有好大隻蝦同埋好多菇。最後黎多個椰皇焗飯，係其他地方都無見過，所以上枱時大家都非常驚喜。飯粒偏向軟身，吸收哂成個椰子的精華，每一啖都係濃郁椰香，有少少似食緊芒果糯米飯個種感覺，D飯仲要多到爆哂出黎，實在係全晚抵食之選，食既時候會食到海鮮，同埋椰子肉，真心值
價錢同想像中差不多，食泰國菜通常都係呢個價位。
餐牌都幾多選擇，如果諗唔到食咩可以揀紅字，即係店鋪推薦美食。
先黎一個泰式生蝦，原本以為會有8隻，原來得6隻，有少少唔夠喉。生蝦入口又爽又彈牙，沾酸辣汁勁好味。
青木瓜沙律，都係酸酸甜甜咁好開胃，份量都比較大，4個人分黎食都可以。
青咖哩椰香味突出，唔會覺得好辣，就算唔食辣既朋友仔都話好味，襯埋烤餅食就最啱。
香辣惹味既馬拉盞炒通菜，辣度剛剛好，上枱就已經聞到好香，入口唔會過鹹，通菜炒完之後脆度適中，唔會太淋。
冬陰功湯，估唔到入口都唔夠酸辣，唔似得泰國個種強勁酸味，可能係調整左變成香港人口味，但味道都唔錯，有好大隻蝦同埋好多菇。
最後黎多個椰皇焗飯，係其他地方都無見過，所以上枱時大家都非常驚喜。飯粒偏向軟身，吸收哂成個椰子的精華，每一啖都係濃郁椰香，有少少似食緊芒果糯米飯個種感覺，D飯仲要多到爆哂出黎，實在係全晚抵食之選，食既時候會食到海鮮，同埋椰子肉，真心值得推薦。
张贴
