影片
更多
2022-10-27
75 浏览
位於尖沙咀嘅呢一間上樓燒肉日式餐廳《燒肉臻》， 位於尖沙咀寶勒巷， 地理位置優越。 呢度最吸引我嘅就一定係$248, 90mins 任飲sake呢一個promotion 。有時候同朋友放咗工happy hour， 都想一邊食， 一邊品嚐下唔同種類嘅清酒。 呢一間燒肉店，添置了一部自由斟Sake機， 想飲邊款自己揀， 每次份量30ml， 可以淺嚐一下各款sake嘅特色同味道， 非常之正!比較喜歡的《京姫匠。日本大吟釀》 口感清爽易入口， 濃淡得宜，帶有微花果香， 凍飲配以前菜就最適合不過。我對於日本Sake並沒有太大研究， 只知道當晚非常盡興地品嚐了多款不同類型的清酒， 有濃有淡，有辛有清， 柴娃娃的和朋友玩了一晚wine pairing ， 非常滿足。小食《日式燒雞泡魚乾》， 燒完帶有點點焦香， 食得出有鹹鮮味， 同時亦品嚐都醬油的香甜， 佐酒一流。《 甲羅燒》 裏面藏著濃厚嘅蟹膏， 混和著鮮甜嘅蟹肉， 加埋鵪鶉蛋，更是滑溜。超級推介《 青蘋果沙律》， 食燒肉有時會食到感覺油膩。 一個青蘋果沙律用咗青蘋果來代替青瓜， 食起來同樣爽口， 卻多咗一份酸甜， 非常之清新解膩。必點《 燒白鱔》
呢度最吸引我嘅就一定係$248, 90mins 任飲sake呢一個promotion 。
有時候同朋友放咗工happy hour， 都想一邊食， 一邊品嚐下唔同種類嘅清酒。 呢一間燒肉店，添置了一部自由斟Sake機， 想飲邊款自己揀， 每次份量30ml， 可以淺嚐一下各款sake嘅特色同味道， 非常之正!
比較喜歡的《京姫匠。日本大吟釀》 口感清爽易入口， 濃淡得宜，帶有微花果香， 凍飲配以前菜就最適合不過。
我對於日本Sake並沒有太大研究， 只知道當晚非常盡興地品嚐了多款不同類型的清酒， 有濃有淡，有辛有清， 柴娃娃的和朋友玩了一晚wine pairing ， 非常滿足。
小食《日式燒雞泡魚乾》， 燒完帶有點點焦香， 食得出有鹹鮮味， 同時亦品嚐都醬油的香甜， 佐酒一流。
《 甲羅燒》 裏面藏著濃厚嘅蟹膏， 混和著鮮甜嘅蟹肉， 加埋鵪鶉蛋，更是滑溜。
超級推介《 青蘋果沙律》， 食燒肉有時會食到感覺油膩。 一個青蘋果沙律用咗青蘋果來代替青瓜， 食起來同樣爽口， 卻多咗一份酸甜， 非常之清新解膩。
必點《 燒白鱔》， 用咗新鮮嘅鱔片， 燒起來外皮香脆， 肉質特別爽口， 配合埋秘製嘅醬油，食起嚟更具風味。
來到重頭戲《A4 SP和牛西冷》， 雪花平均嘅和牛西冷，未燒已經令人垂涎三尺。 燒好嘅和牛每一啖都係油香， 入口即溶， 個人認為最適合就係配襯濃度較高，而且味道較為辛辣嘅清酒。
同樣係必點既《 燒活聖子》， 火候處理得相當好， 剛剛好嘅熟度， 保持到聖子肉嘅鮮嫩， 簡單用香蔥來調味， 食出聖子嘅鮮甜同海水味。
呢一度其貌不揚嘅《 炭火雞》， 唔好以為佢燒燶咗， 其實只係加咗碳粉嘅醬汁， 食起嚟好鬼香口惹味。
仲有呢一個二人份量嘅 《廚師發板牛肉盛合》 有齊曬個款牛， 最啱就係兩個人慢慢燒慢慢品嚐。 燒烤牛舌爽口彈牙， 美國牛牛味特別香濃。
今晚嘅燒肉盛宴， 配合埋清酒放題， 實在係大滿足， 超級推薦畀 鍾意杯中物嘅朋友。
张贴
