Running 燒 (已結業)

近排都比較少出旺角 就算出旺角都唔係去玩 但難得今次出去係想去買返D有紀念價值既野 當然緊係要揾間好野食啦 我記得之前女朋友有講過呢間韓燒好食 所以就決定食呢間 😂😂😂一入到去同其他韓燒一樣 一定係播住韓文歌 本人都幾鐘意韓國文化 👍👍👍 坐低之後急不及待叫野食 款式方面都唔少 我一開始叫左D肉 雪花牛（油花幾均勻），一口牛脷粒（有口感），牛仔骨（夠𡁻頭），重點推介醬汁五花牛（口感同味道有D似肥牛 再加埋秘製醬汁👍👍👍），雞腎（好入味 好鐘意），豬大腸（幾濃味），多春魚（我既至愛），反而香草洋架麻麻 有少少乾熟食方面叫左一舊炸雞（入面D肉係嫩得黎有汁），餃子（中規中矩），炸尤魚鬚（新鮮炸起 唔會過火 炸得岩岩好） 飲品方面略嫌少左D 可以多返D就更好店員都幾有禮貌同服務態度 因為我同女朋友都聽到有一首歌幾好聽 但唔知咩歌 店員好落力幫我地揾 好多時呢D時候店員都會答唔知就算 最後我同女朋友都知道咩歌 😁😁😁