芒果冰 (已結業)

上次自己一個人lunch食過,今次同屋企人去食個晚飯。住在西貢，晚上其實選擇不多的，帶有點期望地去試下晚餐。炸魷魚圈$30很脆身，魷魚唔硬，好易咬開，唔會皮還皮魷魚還魷魚。芒果煙肉雞肉漢堡$72我第一次食加入芒果的漢堡，起初都驚唔夾，但諗到mango應該會係招牌菜吧！而且上次食過溫泉蛋漢堡，好得，就有信心試。咬入口就知道夾了，個雞肉煎得好香配上芒果粒粒和芒果汁，甜甜酸酸好醒胃！cut開一半，用手拎住，大啖咬....係有點失儀，但....我係西貢街坊，係食得豪邁點吧！哈哈 ，講真係幾爽，起碼唔洗就住儀態食！Relax 地食。忌廉白汁煙肉意粉$55好開心，係我喜歡的意粉硬度！ 簡簡單單，唔花巧，味道都好適中，磨菇粒粒好香，整體不錯，有時一個人唔想煮，都可以走落黎食，價錢抵！Mocha $32夜了，秋秋天令我想飲熱飲，估唔到個杯咁靚，哈哈。 口感好幼滑，一層層咁，好靚！搞勻杯底的朱古力，仲香！ 唔知點解，我覺得同炸魷魚圈好夾(但明明兩者無關係) 。第二次食，我興奮心情仲keep到喎！ 俾個叻佢。PS. 附近有幾隻貓周時行過黎我腳邊架，不過顧住食，無影相，下次希望再見到佢地啦。